15 लष्करी तळांवर पाकने डागली क्षेपणास्त्रे

दिल्ली. ऑपरेशन सिंदूरच्या दुसऱ्या दिवशी म्हणजेच बुधवार-गुरुवारी रात्री पाकिस्तानने 15 हून अधिक भारतीय लष्करी तळांवर हल्ला केला. गुरुवारी रात्री जम्मू, जैसलमेरसह अनेक शहरांवर पाकिस्तानकडून ड्रोन हल्ला करण्याचा प्रयत्न करण्यात आला. यावेळी या भागात ब्लॅक आऊट करण्यात आले. पंजाब, राजस्थानमध्येही विशेष खबरदारी घेण्यात आली. रशियाकडून मिळालेल्या एस 400 संरक्षण प्रणालीचा वापर करून भारताने हा हल्ला हाणून पाडला. या काळात अवंतीपोरा, श्रीनगर, जम्मू, पठाणकोट, अमृतसर, कपूरथला, जालंधर, लुधियाना, आदमपूर, भटिंडा, चंदीगड, नल, फलोदी, उत्तरलाई आणि भुज येथे ड्रोन आणि क्षेपणास्त्रे डागण्यात आली. हेदेखील आपल्या सुदर्शन चक्राने म्हणजेच आपल्या संरक्षक कवचाने हाणून पाडले. पंजाबमध्येच बुधवारी रात्री अमृतसरमध्ये स्फोटांचे आवाज ऐकू आले. गुरुवारी सकाळी येथील तीन गावांमध्ये रकिट आढळले. हे रॉकेट पाकिस्तानकडून डागण्यात आले होते आणि भारतीय संरक्षण यंत्रणेने ते पाडले. दुसरीकडे, पाकिस्तानी सैन्य पूंछ आणि काश्मीरच्या इतर भागात जोरदार गोळीबार करत आहे. भारताने याला चोख प्रत्युत्तर दिले आहे. आतापर्यंत येथे 5 मुले आणि 3 महिलांसह 18 नागरिकांचा मृत्यू झाला आहे. लोकसंख्या भारतीय सीमेच्या आत असल्याने अनेक लोकांना आपले प्राण गमवावे लागले आहेत आणि मोठ्या संख्येने लोक सुरक्षित ठिकाणी स्थलांतरित झाले आहेत. स्थानिक लोक घाबरले आहेत आणि त्यांना दोन्ही देशांमधील युद्ध आणखी तीव्र होऊ नये अशी इच्छा आहे, परंतु त्यांना दहशतवाद्यांवर कारवाई देखील हवी आहे. पाकिस्तान नियंत्रण रेषेवर (एलओसी) गोळीबार करत आहे. यामध्ये जम्मू-काश्मीरमधील कुपवाडा, बारामुल्ला, उरी, पूंछ, मेंढर आणि राजौरी सेक्टरमध्ये मोर्टार शेलिंग आणि गोळीबार केला जात आहे.